اوشقایا

چهارشنبه هشتم آبان 1387 ساعت 12:3

گونی آذربایجان دا بیر شبهه لی اولوم داها

تاسفله مهندس غلامرضا امانی آذربایجانئن ملی حرکاتئنئن سارسئلماز مباریزی بیر یول قضاسی آدلانان تصادفده جانئن الدن وئردی .

اونون بو واختسئز اولومو آذربایجانئن آیئخ خالقئن دریندن اوزدو . آمما بو کئدرلی اولایئن نه قدر زور اولدوغون مهندس امانی نین ۲ یاشئنداکی اوغلو ( آراز ) و یولدا اولان ایکینجی اوشاغی و ده حورمتلی خانئمی داها بئتر بیله جاخلار !.

اصلینده گونی آذربایجان ملتی بیلمدن ، بیر چتین اله دوشن گوهری الدن وئردیلر ، و بونو زمانلا هامئمئز آنلایاجاغئز.

بو کدرلی و غملی ایتگینی مهندس امانینین حیات یولداشئنا و اوغلو آرازا باش ساغلئغی وئریریک ، و اوجه تانرئدان اونا رحمت دیلیریک.

روحو شاد اولسون.

اولو یولو گئدیشلی اولسون

نوشته شده توسط محمد | موضوع: | لینک ثابت |

شنبه یازدهم خرداد 1387 ساعت 0:50

حجت تاروردیان

اوستاد حجت تاری وردیان جنابلاری بوگون ساعات ۱۸.۱۵تبریز ده امنیتی قوه لر طرفینن توتوقلاندی.

بیر شرایطده کی بوگون تبریز بیر باسقینتی آلتیندایدی، حجت جنابلاری اوز ایش یرلرینین (امیر بازاری) یاخینیغیندا امنیتی قوه لر طرفینین بیر زورلاما واسطه سیله توتوقلاندی.

حجت بئی لری توتوقلاناندا، آزاده لر سروری حسین ابن علی(ع) فرمایشین هارایلایئب امنیتی قوه لرینین باتوملارینن شدتیله ورولدی.

هیهات من الذله. اگر دینیز یوخدور، لااقل آزاده اولون.

نوشته شده توسط محمد | موضوع: | لینک ثابت |

یکشنبه بیست و پنجم فروردین 1387 ساعت 18:57

ایراندا اولان عدالت

روزنامه ایراندا ۱۳۸۵ ده آذربایجان تورک میلتینه ائدیلن توهین وتحقیره اعتراض ائدمک اوچون آذربایجانئن باشاباشئندا اعتراضلار اولوندو ، و بو اثنادا چوخ طبیعی اولراخ آذربایجانئن باشی اوجا و شرف قایناغی ( اردبیل شهرینده) ده بو غیر انسانی عمله اعتراض گوستریسی میلتین طرفیندن کوتلوی شکیلده باش وئردی .

او اثنادا اردبیلین قوخماز اییدی عباس لیسانی ده او آکسیایا قاتئلمئشدی ، و اوز شرفیندن دفاع ائلمک اوچون او عادی یورویوشه قاتئلمئشدی ،و اونا گوره ده بو انسان هله ده بو مسئله نین حواشی سندن قورتارابیلمیر .

بو بیر حالدا دیر کی او اولایلارا باعث اولان وایرانی بیر بویوک بحران مرحله سینه یورودن شخص ( مانا نیستانی ) آدئندا قازئتچی آذربایجاندا توتوخلانانلارئن مینده بیری قدر آزارو اذیت چئکمدن ایراندان قاچئرئلدی و اونون ایراندان قاچماسئنا کمک اولوندی ، و اونو محاکمه اوچون گئری قایتارئلمایا هئچ بیر قانونی عمل دولت طرفیندن ائدیلمدی !!!

نوشته شده توسط محمد | موضوع: | لینک ثابت |

شنبه بیست و چهارم فروردین 1387 ساعت 21:20

یئنی دن آذربایجان اوچون بیر ایتگی داها

دوکتور صمد سرداری نیا آذربایجان یازئچئسی و دیرلی آراشتئرئجیسی بو گون ۱۳۸۷.۱.۲۴ ده تبریزین وادی رحمت سون ائوینده توپراغا وئریلدی .

آذربایجان میلتینین باشی ساغ اولسون ، و صمد بئیین آیله سینیه تانرئدان دوزوم دیله ییریک.

نوشته شده توسط محمد | موضوع: | لینک ثابت |

چهارشنبه بیست و نهم اسفند 1386 ساعت 1:3

اوغوز بایرامی بویوک تورک میلتینه کوتلو و شئنلی اولسون

تانرئدان گوزل و باشارئلی گونلر آذربایجان اوچون دیلیریک ، اولوتانری تورکو قوروسون.

نوشته شده توسط محمد | موضوع: | لینک ثابت |

دوشنبه بیست و نهم بهمن 1386 ساعت 12:28

نوشته شده توسط محمد | موضوع: | لینک ثابت |

سه شنبه بیست و سوم بهمن 1386 ساعت 23:33

بو ایل (۸۶) تایی چوخ آز گورونئن قارلار یاغدی آمما بو بیزیم بولگه ده اوشقایا دا و تبریز ده بئله دئییر دی یانلئز سونوندا بو گون بهمن آینئن ۲۳ بیزیم ده کندیمیزی و تبریزی قار بورودو.